Արագ նորություններ
Գլխավոր / Հաղորդումներ / ՎԱՆԱՁՈՐՅԱՆ ՕՐԵՐ Vanadzoryan orer 15 10 16

ՎԱՆԱՁՈՐՅԱՆ ՕՐԵՐ Vanadzoryan orer 15 10 16

Վանաձորյան օրերի 15 10 16 թողարկման ընթացքում դիտեք՝ 1- Լոռիում ոսկե աշուն է: Մարզկենտրոն Վանաձորի աշնանային տեսարանները մեկ տեսանյութում: 2-Աշունն արդեն մտել է իր լիազորությունների մեջ, ՏԻՄ ընտրությունների ավարտից շաբաթ անց իր լիազորություններն է ստանձնել նաև Վանաձորի նորընտիր քաղաքապետը: Մամիկոն Ասլանյանի՝ որպես Վանաձոր համայնքի ղեկավարի առաջին երդման արարողությունը տեղի կունենա հոկտեմբերի 17-ին ժամը 11:00-ին, Վանաձորի համայնքապետարանի նիստերի դահլիճում: Իսկ այսօր Ասլանյանն իր աշխատասենյակում օտարերկրյա պատվիրակություն է հյուրընկալել: Մանրամասները՝ տեսանյութում :3- Պետությունը ստանձնել է երեխաներին մանկատներից դեպի ընտանիքներ ուղղորդելու քաղաքականությունը: Առողջ բարոյակոգեբանական նկարագրով հասարակություն ձևավորելու նպատակով յուրաքանչյուր երեխա պետք է ընտանիքում մեծանա՝ եթե ոչ կենսաբանական, ապա խնամատար ընտանիքում: Այս հարցում շահագրգիռ կողմերը կարևորում են նաև հոգևորականի դերը: 4- Վանաձորի մարզական անցուդարձից: Հաջողություններ հաջողությունների հետևից: Բուլղարիայի Բլագոևգրադ քաղաքում հոկտեմբերի 1-ից 10-ը անցկացված բազկամարտի աշխարհի 38-րդ առաջնությունից հաղթանակով հայրենիք է վերադարձել վանաձորցի բազկամարտիկ Դավիթ Դադիկյանը: 52 պետության մարզիկների շրջանում 80 և ավելի կգ քաշային կարգում նվաճել է ոսկե մեդալ, ընդ որում մրցելով 2 ձեռքով: Դավիթ Դադիկյանին ու Հայաստանի հավաքականի մյուս 6 մարզիկներին դիմավորել են Զվարթնոց օդանավակայանում: 5-Նույն օդանավով կրկին հաղթանակած վանաձոր է վերադարձել ազատ ըմբշամարտի վետերանների աշխարհի առաջնության 15-ակի չեմպիոն Ժորա Հովհաննիսյանը: 6-Մարզկենտրոնում անց է կացվել նաև ֆուտբոլային «Քաղաքապետի գավաթ» առաջնությունը, որին մասնակցել են համատիրությունների պատանիների 7 թիմեր: Առաջնության հաղթողների մասին՝ առաջարկվող տեսանյութում:

Դիտեք նաև

07 12 19 Թղթապանակ

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով