Արագ նորություններ
Գլխավոր / Հաղորդումներ / Վանաձորյան օրեր Vanadzoryan orer 12 11 16

Վանաձորյան օրեր Vanadzoryan orer 12 11 16

Վանաձորյան օրերի 12.11.16 թողարկման ընթացքում կարող եք դիտել՝ 1- Վանաձոր քաղաքում մոտ ապագայում կստեղծվի թեթև արդյունաբերության, մասնավորապես՝ կարի արտադրության 800-1000 նոր աշխատատեղ: Այս մասին պայմանավորվածություն է ձեռք բերվել Վանաձորի քաղաքապետ Մամիկոն Ասլանյանի և Իտալիայում բնակվող, ծագումով վանաձորցի գործարար Գագիկ Սարուխանյանի պաշտոնական հանդիպման ընթացքում: Գործարարը քաղաքապետի մոտ հյուրընկալվել է նոյեմբերի 7-ին: Հանդիպման ընթացքում քաղաքապետն իր հերթին պարտավորություն է ստանձնել իր ունեցած միջոցներով և հանրային իրազեկման եղանակով նպաստել աշխատատեղերի համալրմանը։ ՛՛Աշխատակիցների միջին աշխատավարձը կկազմի 90-120 հազ. դրամ՛՛,-ասվում է Վանաձորի քաղաքապետարանի պաշտոնական կայքէջում: 2- Նոյեմբերի 10-ին նշվում էր ՏԻ (տեղական ինքնակառավարման) օրը: Տոնի կապակցությամբ շնորհավորական ուղերձ է հղել քաղաքապետ Մամիկոն Ասլանյանը: Ուղերձը: 3- Շաբաթը լի էր ցույցերով: Բողոքի ակցիաներ են կազմակերպել նախ քիմգործարանի աշխատակիցները, ապա նաև վանաձորցի վարորդները: Մանրամասները՝ առաջարկվող տեսաշարում: 4-Ծննդյան 55 ամյակի, բեղուն ստեղծագործական գործունեության և արժեքավոր վաստակի համար համայնքային իշխանությունների կողմից ուշադրության է արժանացել բանաստեղծ-թարգմանիչ Խորեն Գասպարյանը: 5-Վանաձորցի տաղանդավոր երիտասարդներն ու պատանիները շարունակում են իրենց կարողություններն ու տաղանդները դրսևորել համայնքային, մարզային և հանրապետական մրցույթներում: Առաջարկվող տեսանյութը նրանց մասին է: 6- Վանաձորի Սայաթ Նովայի անվան զբոսայգում բարերարների և Վանաձորի քաղաքապետարանի միջոցներով կառուցվել է սթրիթ որկաութի (Street Workout) ժամանակակից մարզահրապարակ: 8-Եվ վերջում վոլեյբոլի քաղաքային գավաթի առաջնություն: Ինչպիսի արդյունքներ են ցույց տվել մեր պատանի վոլեյբոլիստ աղջիկներն ու տղաները: Հարցերի պատասխանները՝ տեսանյութում:

Դիտեք նաև

Գուգարաց թեմի առաջնորդ Տեր Սեպուհ արք. Չուլջյանի ուղերձը

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով