Արագ նորություններ
Գլխավոր / Հաղորդումներ / ՎԱՆԱՁՈՐՅԱՆ ՕՐԵՐ Vanadzoryan orer 14 01 17

ՎԱՆԱՁՈՐՅԱՆ ՕՐԵՐ Vanadzoryan orer 14 01 17

Վանաձորյան օրերի 14.01.17 թողարկման ընթացքում դիտեք՝ 1-Տարեսկզբի առաջին 2 շաբաթվա անցուդարձը:2-Ինչպե՞ս է վանաձորի քաղաքապետարանը նոր տարում պատրաստվում աշխատանքները կազմակերպել այն բանից հետո, երբ տարվա բյուջեն ավագանու նիստ չկայանալու պատճառով չհաստատվեց: Ի՞նչ կլինի, երբ անհրաժեշտություն առաջանա բյուջեից այս կամ այն խնդրի համար գումար հատկացնել: Կկրկնվի հրդեհված տնակների բնակիչների աջակցման պատմությունը, թե՞ այլ ելքերի սպասել: 3- Վանաձորում իրականացվող փողոցների ու մայթերի մերկասառույցի մաքրման աշխատանքներին է կցվել նաև Նեցուկ ՀՈԱԿ-ը: Ո՞ր փողոցներն են մաքրվում և ինչ է արվում եղանակային տհաճ անակնկալներին դիմակայելու ուղղությամբ:4-Կրկին սառույցից: Այս դեպքում ոչ թե բնական, այլ տեխնածին պատճառներով: Բուլղարական 2-րդ ավանում դեռ տոներից առաջ վթարված ջրի խողովակից մաքուր ջրի արտահոսքը -20 ցրտի պայմաններում տնակների ճանապարհը վերից վար սահադաշտի է վերածել: Վթարի հետքերով սահել է նաև մեր նկարահանող խումբը:5- Հունվարի 8-ին Վանաձորում մեկնարկեց առաջին զորակոչը: Պարտադիր զինծառայության մեկնող պատանիներին ճանապարհ դրեցին բարձր տրամադրությամբ ու ոգեշունչ հորդորներով: Ինչպե՞ս Վանաձորում ճանապարհ դրեցին հայրենիքի ծառայության գործը ստանձնող պատանիներին: 6- Աշխատանքային տարին դեռ չսկսված՝ քիմիագործները 2 անգամ ցույց կազմակերպեցին: Ո՞ր փուլում է Վանաձոր քիմպրոմի նախկին ու ներկա աշխատակիցների աշխատավարձի խնդրի լուծումը, և ի՞նչ քայլեր են ձեռնարկվում իշխանությունների կողմից: 7- Տարվա մարզական ամենասպասված միջոցառման մասին: Տոնական հանդիսությամբ մեծարվել են քաղաքի լավագույն մարզական տասնյակը, նրանց մարզիչները, լավագույն թիմերն ու լավագույն հաշմանդամ և վետերան մարզիկը: Ովքե՞ր պահպանեցին լավագույնի կոչումն ու ովքե՞ր համալրեցին 10-յակի շարքերը:

Դիտեք նաև

Գուգարաց թեմի առաջնորդ Տեր Սեպուհ արք. Չուլջյանի ուղերձը

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով