Գլխավոր / Հաղորդումներ / Վանաձորյան օրեր Vanadzoryan orer 24 06 17

Վանաձորյան օրեր Vanadzoryan orer 24 06 17

Այս թողարկման մեջ տեղ են գտել հետևյալ թեմաները՝1-Կայացել է Վանաձորի ավագանու գարնանային նստաշրջանի վերջին նիստը:2-Վանաձորի քաղաքապետարանում կազմակերպվել է քաղաքացիների ընդունելություն, հերթագրվել՝ մոտ 2 տասնյակ քաղաքացի: Ի՞նչ հարցերով են բնակիչները դիմել համայնքի ղեկավարությանը և ի՞նչ պատասխան են ստացել:3-Մշակութային կյանքից: Այս շաբաթ Լոռու մարզային գրադարանում կազմակերպվել է գրող Վալտեր Թորոսյանի 81-րդ հոբելյանին նվիրված միջոցառում, ինչպես նաև գեղանկարիչ Կառլեն Քոչինյանի անհատական ցուցահանդեսը: Միջոցառումներին ակտիվորեն մասնակցել են քաղաքի մտավորականությունը, արվեստի գործիչներ, դպրոցականներ և այլք: Մեկ այլ՝ գործունեության ամփոփիչ ցերեկույթ էլ կազմակերպվել է Ստեփան Զորյանի տուն-թանգարանում: Համագործակցության համար տուն-թանագարանի և քաղաքապետարանի անունից պատվոգրեր ու շնորհակալագրեր են հանձնվել մշակութային օջախի բարեկամներին ու գործընկերներին: Շնորհակալագրի է արժանացել նաև Ֆորտունա ԼՄ ՀԸ: 4-Հունիսի 20-21-ը Վանաձորի ծննդատանը ծնվել է վերջին 10 տարվա ընթացքում ռեկորդային թվով երեխա՝ 6 տաղ և 6 աղջիկ: 3-ը կեսարյան հատումով, մյուսները՝ բնական ճանապարհով: Փոքրիկներից 10-ն են միայն վանաձորցիներ: Բեյբի բումի մասին խոսվեց ամբողջ հանրապետության տարածքում: Հատկանշական է, որ թեև ներկայումս պայքար է ընթանում հղիության սեռային ընտրության դեմ, սակայն բնությունը հավասարապես է բաշխել նորածինների սեռերը:5-Վանաձորի թվով 20 մանկապարտեզների ավագ խմբերի սաները տարեվերջյան հաշվետու համերգով հանդես են եկել Շարլ Ազնավուրի անվան մշ. պալատում: Միջոցառումը կրել է «Խաղաղություն մանուկներին» խորագիրը: Ավանդույթի համաձայն շնորհակալագրերի ու գովասանքի խոսքերի են արժանացել մի խումբ մանկավարժներ ու դաստիարակներ: Օրվա ամենատպավորիչ դրվագները՝ տեսանյութում: 6-Սպորտային քաղաքն այս շաբաթ Օլիմպիական օրվան նվիրված մարզական տոն էր կազմակերպել: Մոտ 2 տասնյակ մարզադպրոցներում հայտարարվել էր մազական օր: Վերջիններիս համայքնի ղեկավարի անունից շնորհավորական ուղերձ ու պատվոգրեր են հանձնել ֆիզկուլտուրայի և սպորտի բաժնի աշխատակիցները:7-Կրկին սպորտային իրադարձություններից: ՕՀՄՄԴ-ում անց է կացվել սպորտի վարպետ, ազատ ըմբիշ Սարգիս Ավետյանի անվան 15-րդ հուշամրցաշարը:

Դիտեք նաև

ՓԱՍՏԱՐԿ անոնս 20.09.2020թ.