Գլխավոր / Հաղորդումներ / Վանաձորյան օրեր Vanadzoryan orer 19 03 16

Վանաձորյան օրեր Vanadzoryan orer 19 03 16

Այս թողարկման ընթացքում. 1-Վանաձորի ավագանու մարտի 15-ի նիստի ժամանակ հաստատվեց 2015-ի բյուջեի կատարողականը: Օրակարգային 10 հարցերի թվում քննարկվեց նաև քաղաքի հյուսիսային մուտքում՝ այն է Երևան-Վանաձոր ավտոճանապարհի հատման վայրում քաղաքի խորհրդանիշի տեղադրման մասին: Արդյոք առաջարկն ընդունվեց կամ, որտեղ կկանգնեցվի ներկայացված կոթողը: Այս և մյուս բարձրացված հարցերի մասին՝ առաջարկվող տեսանյութում: 2-Քաղաքապետարանի բաժինների ղեկավարների այս շաբաթվա խորհրդակցության հիմնական թեման քաղաքի ճանապարհների նորոգման ու երթուղայինների՝ ժամանակացույցին համապատասխան աշխատանքի կազմակերպման հարցերն էին: Ինչպիսին կլինի կառավարության արձագանքը, կամ ինչքան օգնության սպասել: 3-Կրկին պաշտոնական լրահոսից: Վանաձորում շուտով կկառուցվի հիգենիկ համաճարակային կենտրոնի նոր մասնաշենքը՝ ինչպես վստահեցնում են պատասխանատուները՝ հագեցած ժամանակակից տեխնիկայով և լայն հնարավորություններով: Վանաձորում այս հարցի շուրջ տեղի ունեցած հանրային քննարկումներին մասնակցել է նաև մեր նկարահանող խումբը: 4-Մարզկենտրոնում տեղի է ունեցել “Պտղի սեռի խտրական ընտրության դեմ պայքարի” ծրագրի անդամների հերթական հանդիպումը քաղաքի բնակիչների հետ: Հանդիպման նպատակների ու ակնկալվող արդյունքները՝ հաջորդ տեսանյութում են:5-Մարզական անցուդարձից: Կիրակի Սպիտակում կայացել է սամբոյի հայաստանի առաջնությունը: Ի ուրախություն մեզ, Վանաձորցի 2 մարզիկներ՝ 52 կգ քաշային կարգում Տիգրան Կիրակոսյանն ու 74 կգ քաշային կարգում Արմեն Ղազարյանը դարձել են ՀՀ չեմպիոն և ընդգրկվել Եվրոպայի առանություն մեկնող հայկական պատվիրակության կազմում: 6-ՀՀ կրթության և Գիտ. Նախարարության տարածած հաղորդագրության համաձայն Մարտի 21-ից 27-ը գարնանային արձակուրդներ կունենան միայն 1-ին դասարանցիները: Իսկ 2-րդ-ից 11-րդ դասարանների աշակերտները կլրացնեն բաց թողնված դասերը: 7-2016 թվականը ընտրական է լինելու, իսկ մարտի 3-ից շրջանառության մեջ է դրվել ընտրական օրենքի նոր նախագիծը: Ինչ է այն իրենից ներկայացնում և ինչ բացեր ունի: Ընտրողների շփոթ, թե հերթական “բարեփոխությունը”: 8-ՎՔ պաշտոնական կայք- էջում արդեն հասանելի է “Ֆրանկոֆոնիայի Երկամսյակի” Շրջանակներում Վանաձոր Համայնքում Կազմակերպվող Միջոցառումների Ծրագիրը: «Օրիգամի»-ի վարպետության դասեր, Գրական-երաժշտական ցերեկույթ, Ֆրանսիական հեքիաթների ընթերցում և ֆրանսիական երաժշտության համերգ, Դասախոսություններ և Ցուցահանդես` նվիրված իմպրեսիոնիստ նկարիչներին: Այս ամենի մասին և ոչ միայն http://vanadzor.am/frankofonia/ կայքում:

Դիտեք նաև

Գուգարաց թեմի առաջնորդ Տեր Սեպուհ արք. Չուլջյանի ուղերձը

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով