Արագ նորություններ
Գլխավոր / Հաղորդումներ / ՎԱՆԱՁՈՐՅԱՆ ՕՐԵՐ Vanadzoryan orer 17 09 16

ՎԱՆԱՁՈՐՅԱՆ ՕՐԵՐ Vanadzoryan orer 17 09 16

Այս թողարկման ընթացքում դիտեք՝ 1- Վանաձորում նշվել է Խաչվերացի տոնը: Արդեն 2 տարի է, ինչ այս օրը հայտարարվում է որպես Վանաձոր քաղաքի օրհնության օր: Ո՞րն է տոնի խորհուրդը, ինչպե՞ս նշվեց այն և ովքեր ստացան օրհնություն: 2- «Խոցելի երեխաների սոցիալական ներառում, այլընտրանքային խնամք, ընտանիքի աջակցություն և ներառական կրթության ընդլայնում» ծրագրի ներկայացուցիչները՝ Վանաձորի քաղաքապետ Սամվել Դարբինյանի աշխատասենյակում: Հայ օգնության ֆոնդի երեխաների աջակցության կենտրոն հիմնադրամի, Մակի մանկական հիմնադրամի երեխաների պաշտպանության ծրագրի և Փրկենք երեխաներին կազմակերպությունների ներկայացուցիչների կոչն ու ծրագրային առաջարկը՝ երեխաներին մանկատներից վերադարձնել ընտանիք: Քաղքապետ Սամվել Դարբինյանը ողջունեց հյուրերին՝ կարևորելով մանկատների վերակազմակերպման և համայնքային ծառայությունների ակտիվացման միջոցով երեխաներին ընտանիք վերադարձնելու հարցը: Հանդիպման ընթացքում քննարկվեցին խնդրին վերաբերող մի շարք հիմնահարցեր, ինչպես նաև դրանց ուղղությամբ համագործակցության ուղիները:3- Միջոցառումներ Վանաձորի 4-րդ, 6-րդ դպրոցներում, Զորյանի տուն-թանգարանում նվիրված Հայստանի անկախության 25-ամյակին: Զորյանի տուն թանգարանում զուգահեռաբար նշել է նաև գրողի ծննդյան 127 ամյակը: 4- Վանաձորի Չարենցի փողոցում վերականգնվել է գիշերային լուսավորությունը: Սա տարեկան պլանով նախատեսված 9 փողոցներից մեկն է, ուր աշխատանքներ են տարվելու մինչև Սեպտեմբերի 30-ը: Որո՞նք են ծրագրում ընդգրկված մյուս փողոցները և ինչպիսի՞ն է քաղաքացիների արձագանքը:5- Ուսումնական տարին արդեն արդեն 3-րդ շաբաթն է, ինչ ընթացքի մեջ է: Ամառային հանգստին ու խաղերին փոխարինելու են եկել ուսումն ու դասերը: Թե ինչպես անցկացրին իրենց ամառային արձակուրդները, երեխաներն իրենց դպրոցներում ու մանկապարտեզներում արդեն հասցրել են ամփոփել: Ամփոփել են նաև Ամենամամա ակումբի մայրիկներն, ովքեր ամռան ընթացքում կազմակերպել էին բակային ճամբարներ:

Դիտեք նաև

07 12 19 Թղթապանակ

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով