Արագ նորություններ
Գլխավոր / Հեռուստաընկերության պատմությունը

Հեռուստաընկերության պատմությունը

«Ֆորտունա» մարզային հեռուստաընկերությունը Լոռու մարզում միակն է, որի եթերը ծածկում է գրեթե բոլոր համայնքները: Այն այսօր ունի լրատվական, վերլուծական, ժամանցային և այլ հեռուստահաղորդումներ: Հանրությանը ներկայացնում է ինչպես նոր, այնպես էլ հին դասական կինոարտադրության հետաքրքիր ֆիլմեր: Հեռուստաընկերությունը համագործակցում է «Շանթ», «Արմ նյուս», «Արմենիա», «Ար» հեռուստաընկերությունների հետ:

Մեր հեռուստաեթերը դիտում են Լոռու մարզի 6 քաղաքներում և ավելի քան 50 գյուղական համայքներում: Մոտ ապագայում ցանկն ընդլայնվելու է: «Ֆորտունա» — ն ՀՀ Հեռուստատեսության և ռադիոյի ազգային հանձնաժողովի կողմից մարզային հեռարձակման թույլտվության լիցենզիան ստացել է 2010 թվականին: Հեռարձակումը սկսել է 2011 թ. Հուլիսի 20-ից:
«Ֆորտունա» — ն հիմնադրվել է 1992 թվականին: Ստեղծել է 40-ից ավելի սեփական հեղինակային հեռուստահաղորդումներ: Գործուեության առաջին իսկ օրվանից նվաճել է հեռուստադիտողի համակրանքն ու վստահությունը: 1995 թ.-ին հեռուստաընկերությունը համագործակցել է «Ինտերնյուս» ՀԿ-ի հետ:
«Ֆորտունա» հեռուստաընկերությունը հիմնադրման օրվանից մինչ օրս մասնակցել է բազմաթիվ մրցույթների և արժանացել մրցանակների, պատվոգրերի ու դիպլոմների:
Այսօր «Ֆորտունա» — ն շարունակում է հանրությանը ներկայացնել բարձրորակ արտադրանք: Արդեն մարզային հեռուստաընկերության կարգավիճակում մեծացել է լսարանը, բազմապատկվել պատասխանատվությունն ու հանրության վստահությունը: Սա հեռուստաընկերության որդեգրած քաղաքականությունն է: